الفرق بين lagger و hacker

السلام عليكم وكما تعودتم منى دائما ودائما اناشد ادارة المنتدى بعمل فرع للعبه كروز فاير حيث انها اصبحت مشهورة الان وظهر لها اعلانات فى شتى المواقع الكبيرة والان فيه مواقع مخصوص لدعمها اشهرها موقع planetgamerz
الان نيجى لموضوعنا وهو الفرق بين lagger و hacker

* اولا hacker :معظمنا دى الوقتى بقى عارف يعنى ايه هكر بسيط جدا اللى ما يعرفش وطبعا الهااكت دى الوقتى ماليه دى فى دى انت بمجرد استخدامك اى هاك من اللى انا بنزلهم يبقى انت بقيت هكر
طيب ايه هو الهاك
الهاك عبارة عن برنامج مجانى او مدفوع وحتى لو مدفوع بيبقى رخيص الثمن يعنى ما يعديش 30 دولار بيبقى ناس عبقرية فى البرمجة هى اللى بتصممه على نقاط ضعف اللعبة فى البرمجة يعنى الثغرات اللى فى اللعبه وطبعا كل شهر او شهرين اللعبه بتعمل تحديث عشان حاجتين يا اما اكتشفوا ثغره وسدوها على الهاكر وبكده يقف الهاك ما يشتغلش لحين ما الهاكرز يشوفوا ثغره جديده ويعملوا الهاك من جديد ههههههههه والله مشكلة العالم الهكرز دى بلوة مسيحة مش سيبين الناس فى حالها
يا اما السبب التانى ان اللعبه تكون زودا فى امكانيلتها من جرافيك وخرايط واسلحة جديدة وده شئ مفروغ منه
وزى ما قلت قبل كده الهاكر بيبقى برنامج عشان يخليك تلعب بامكانيات احلى يعنى تكون كاشف اللى ورا الجدران تكون سريع مثلا تكون بتضرب الناس وانتى مختفى حاجات كتير
طبعا اصحاب اللعبه مش عالم عبيطة عشان تسيب الهكر طايح فى اللعبه كده لا عاملين حاجه اسمها صياد مخالفات يعنى واحد لاعب زيه زيك بالظبط بس معيناه الشركة يلعب عشان يمسك الجماعة الهكرز والاجر والشتامين مقابل انه ياخد مبلغ من المال كل شهر وطبعا ليه مميزات كتير اكتر من اي لاعب هتقولى ازاى

الصياد الوحيد اللى يقدر يشوف الويسبر ماسج اللى بينك وبين لاعب والوحيد اللى يقدر يشوف الرسايل بينك وبين فريقك حتى لو هو مش فى نفس الفريق يعنى حرص من رسايل الويسبر اوعى تقول لواحد فى ويبسر انك هاك لمجرد المزاح ممكن يكون فى صياد فى الروم ويقفشك يا حلو

خلصنا من مين هو الهاكر وعملنا نبذه عن الصياد اللى بيدى الناس على دماغها

ثانيا : lagger
الاجر برنامج زية زى الهاك بس بيفرق كتيييييييييير جدا فى ايه بقى
ال lagger برنامج غالى التمن ومفيش منه مجانى غالى كتيييير ممكن يوصل الاجر تمنه 200 دولار بتصممه شركات كبيرة مش مجرد قراصنه هواه اشهرهم شركة tuitplice هتقولى ازاى شركة المفروض شركات الالعاب توديها فى داهيه هقولك لا يا حلو الشكرة دى الوحيدة اللى مش ماضية على اتفاقيات حماية الحقوق فمن حقها تعمل ما بدالها يعنى لو شركو سابا جيمز صاحبة لعبه كروز فاير راحت اشتكتها للقانون الدولى هتقولها اخبطى دماغك فى اطخن حيطة ههههه وطبعا القانون فى الحاله دى هيقول لسابا القانون لا يحمى المغفلين احمى لعبتك بنفسك
ههههههههههههه
رزق ناس على ناس

انواع الاجر
اوضحلك انا معنى كلمة lagger او اختصار lag
هناك ثلاث انوع من اللاجر

1 - lagger sp points وده اخطر واحد فيهم ده بقى بيسرق من اللاعبين نقاط sp اللى هى بتتشرى بفلوس كيفية الاستخدام :

* اولا : بيعرف الاول من الاعب اللى معاه sp فى الروم واكيد اللى معاه sp هو اى لاعب بيلعب ببنت لانها بتنشرى بــ sp

* ثانيا : فرضا مثلا انه عرف اسم اللاعب وليكن مثلا tamer

* يقوم مشغل برنامج الاجر بكتابة الكود ده فى الشات بين قوسين lag sp وبعدها اسم اللاعب tamer ساعتها الرمز بيكون [lag sp tamer] بكده يشتغل اللاجر

* بعد كده بيعمل كل اللى يقدر عليه طول الجولات انه يضرب الاعب ده فى كل ضربة هيد شوت بياخد منه 5 sp ويارب تكون فهمت


2 - lagger shot وده تانى اخطر الاجريين بيشغل البرنامج عادى قبل دخول اللعبة زية زى الهاك وطبعا بيموت اى حد من اول رصاصة فى جسمة سواء فى دماغة او فى اى مكان


3 - lagger health وده تالت انواع اللاجر وده بيشغل البرنامج عادى قبل دخول اللعبة زية زى الهاك وطبعا بيبقى معاه تلات تزويدات للصحة يعنى فرضا انضرب وصحته نقصت بقت 45% يوم ضاغط على زر shift + z يقوم مزود نفسه 100% لو نقص تانى يقوم مزود نفسه 100% لحد ما التلات مرات يخلصوا


طبعا كل البرامج دى مش مجانيى نهائى ومعتقدش ان حد هيدهالك ببلاش لان استعمالها بسريال وممنوع السريال يدخل بيه اتنين فى وقت واحد يبقى اللى هيدهالك اهبل وكمان سعرة غالى بيوصل 250 او 200 دولار امريكى
يارب تكون وضحتلكم دى الوقتى
طبعا الوحيد اللى ممكن يمسك الاخ lagger او يكشفة صياد المخالفات لان صياد المخالفات بيشوف جميع راسايل اللعبه فممكن يشوف الكود اللى بيكتبه الاجر على الشات حتى تلاقى اكتر اللى بيتوقفوا لاجرز


ثالثا : طبعا الاخوة الشتامين دول ما يتوصاش عليهم بيقعوا دايما هههههه
فيديو يوضح lagger sp ولاحظ كتابته على الشات طبعا لما بيكتب الكود على الشات مش بيظهر للاعضاء فى الروم بيهرله هو بس عشان ميتكشفش
[ندعوك للتسجيل في المنتدى أو التعريف بنفسك لمعاينة هذا الرابط]


على فكرة فى lagger اللعبة مصرحة بيه اللى لاجر اللى بيتشرى من اللعبه من item shop اللى هو spray ملحوظة على الطاير
تحياتى ارجو الرد

3awz rdod plz

thx yaa dodo